驚劫 72 小時 (The Next Three Days)

好耐無睇羅素高爾既戲，雖然高爾哥日漸發福，卻不減我捧場意欲，今次劇情講佢為救愛妻，單人匹馬籌劃劫獄，一個平凡丈夫，為何要走上一條沒有回頭，不能後悔既絕路…

片長兩個幾鐘，大部份時間都係描述主角準備劫獄既支線，有 D 似 Prison Break，過程要克服重重難關，排除種種障礙，要練習技巧，要細心觀察，更要籌集資金，可惜戲中呢段較為沉悶，有點拖拉…還好，套戲既高潮點由劫獄一刻開始，分秒必爭緊張刺激，未至於高潮佚起峰迴路轉，但都算精彩！

反而，自己特別喜歡早段一幕，就係開初羅素高爾請教逃獄高手，一個曾經七次成功逃獄既刀疤佬（戲中刀疤佬就係主演「救參96小時」既主角~Liam Neeson），佢地呢段對話反而更精彩，由 Liam Neeson 教路真係說服力大增，事關睇過「救參96小時」都知佢有幾勁！

講講下反而想推介「救參96小時」“Taken”，唔知有無第二集呢？